Kush dëshiron të bëjë reklamë për ushqime, duhet t’i përmbahet një kuadri të rreptë ligjor.
Sipas Rregullores Evropiane për deklaratat ushqimore dhe shëndetësore mbi ushqimet, në reklamë, për shembull, deklaratat “me pak yndyrë” ose “light” mund të përdoren vetëm për produkte që, në rastin e ushqimeve të ngurta, përmbajnë më pak se 3 g yndyrë/100 g ose më pak se 1,5 g yndyrë/100 ml në rastin e ushqimeve të lëngshme. Deklarata “me pak sheqer” lejohet vetëm nëse produkti, në rastin e ushqimeve të ngurta, nuk përmban më shumë se 5 g sheqer për 100 g ose, në rastin e ushqimeve të lëngshme, 2,5 g sheqer për 100 ml. Rregullorja përmend në aneksin e saj edhe shumë shembuj të tjerë.
Deklaratat shëndetësore, si p.sh. “mbështet florën e zorrëve”, janë në parim të ndaluara dhe lejohen vetëm nëse plotësohen një sërë kushtesh të rrepta, të cilat, nga ana tjetër, rregullohen në Rregulloren Evropiane për deklaratat ushqimore dhe shëndetësore mbi ushqimet.
Lexoni gjithashtu: “Reklamimi dhe pijet alkoolike”
